દારૂની 10200 બોટલ ઝડપાઈ:અમીરગઢ ચેકપોસ્ટ પરથી લાખો રૂપિયાના દારૂ સાથે ટ્રેઇલરચાલક ઝડપાયો

અમીરગઢ પોલીસે દિવાળીના તહેવાર પહેલા રાજસ્થાન તરફથી દારૂ ગુજરાતમાં ઘુસાડવાનું ષડયંત્ર નિષ્ફળ કરી મોટા પ્રમાણમાં દારૂ ઝડપી પાડ્યો છે. અમીરગઢ પોલીસ સ્ટાફના માણસો બોર્ડર ચેકપોસ્ટ ખાતે વાહન ચેકીગની કામગીરીમાં હતા. તે સમય દરમિયાન ટાટા કંપનીના ટ્રેલર RJ-14-GE-3985 રાજેસ્થાન તરફથી આવતા પોલીસે તેને ઉભુ રખાવી ટ્રકની પાછળના ભાગે ઝીણવટભરી રીતે તપાસ કરતા ખાખી કલરના પુઠાની પેટીઓ ભરેલ હતી જેથી પોલીસે પેટીઓમાં તપાસ કરતાં વિદેશી દારૂની અલગ અલગ બ્રાન્ડની પેટીઓમાં મળી આવી હતી. જેથી અમીરગઢ પોલીસે કુલ વિદેશી દારૂની પેટી નંગ-850 કુલ બોટલ 10,200 નંગ જેની 65,50,800 દારૂ કબ્જે કરી સાથે ટ્રેલર ચાલકની અટકાયત કરી ત્રણ સામે અમીરગઢ પોલસે ગુનો નોંધી આગળની તપાસ હાથ ધરી છે.