અમદાવાદ શહેરમાં ઐતિહાસિક રથયાત્રાની પ્રારંભ વિધિ એટલે કે “જળયાત્રા” આજે યોજાશે.

અમદાવાદ શહેરમાં ઐતિહાસિક રથયાત્રાની પ્રારંભ વિધિ એટલે કે “જળયાત્રા” આજે યોજાશે. આ “જળયાત્રા” સવારે 8 વાગ્યે જમાલપુર વિસ્તારમાં આવેલા ભગવાન જગન્નાથજીના મંદિરેથી શરૂ થઈ વરઘોડા સ્વરૂપે સાબરમતી નદીના સોમનાથ ભુદરના આરે ગંગાપૂજન કરવા પહોંચશે. સાબરમતી નદીમાંથી જળ ભરી આ “જળયાત્રા” પરત નીજ મંદિરે ફરશે. અત્રે ઉલ્લેખનીય છે કે, આગામી સાતમી જુલાઈએ અષાઢી સુદ બીજ ભગવાન શ્રી જગન્નાથજીની ઐતિહાસિક 147મી રથયાત્રા યોજાશે.